பரண்களில் தேடிய பொழுதுகள்
வீணாய்ப் போனதேயில்லை...
ஒட்டடைப் பூச்சூடிய
கால் உடைந்த மரப்பாச்சியோ...
இன்னும் அழியாத ஆவண்ணாவுடன்
முதல் வகுப்பு சிலேட்டோ
இறந்து போன தாத்தாவின்
முனை மழுங்கிய கைத்தடியோ...
தங்கையுமாய் நானுமாய்
சண்டையில்சேதப்படுத்திய பிரம்புக் கூடையோ....
தேடச்சென்றது..
கிடைக்கவில்லையெனினும்
இதுவரை தொலைத்ததெல்லாமும் கண்முன்னே
பரண் விட்டிறங்கும் பொழுதுகள்
சுகமானவை....
கனமானவை...
கருத்துகள் இல்லை:
கருத்துரையிடுக