எக்காலம் இது...?
மேகமும் சூரியனும்ஓளிந்து விளையாடும்
பகல்பத்து மணிப்பொழுது!
வானொலியில் ஓயாது
வாயடிக்கும் பெண்குரல்...
கழனிப்பானையில் தலைவிட்டுக் கவிழ்க்கும்
பக்கத்துவீட்டுப் பசு...
சமையலுக்காக ஆயப்பட்ட
கீரைமிச்சங்கள் சிதறிய முற்றம்...
அவசரம் ஒன்றும் இல்லை
ஆற அமர பேச நிறைய இருக்கிறதுஎதிர்வீட்டுப் பாட்டியுடன்...
இது என்ன காலம்?
அள்ளிப்போட்டுக் கொண்டு
அலுவலகம் செல்லும் பெண்களின் கனாக்காலம்!!!
கருத்துகள் இல்லை:
கருத்துரையிடுக